रायगड (खास प्रतिनिधी): वडिलांचा अंतरिम जामीन मंजूर करण्यासाठी लाच स्वीकारणाऱ्या पनवेल शहर पोलीस ठाण्याचे पोलीस उपनिरीक्षक सचिन वामन वाईकर याला एसीबीने अटक केली आहे. अलिबाग एसीबी पथकाने ही कारवाई केली असून य 50 हजारांची लाच घेताना रंगेहात पकडण्यात आले.

तक्रारदार यांच्या वडिलांविरूद्ध पनवेल शहर पोलीस ठाणे येथे दाखल असलेल्या गुन्हयामध्ये कलम वाढ करून, तक्रारदार यांच्या वडिलांचा अंतरिम जामिन नामंजूर करून त्यांना अटक करेन अशी भिती आरोपी घालत होता. अटक करू नये यासाठी सचिन वाईकर यांनी १ लाख रूपयांची मागणी केली होती. याबाबत तकार प्राप्त झाली होती.

तक्रारदार यांनी दिलेल्या तक्रारीच्या अनुषंगाने पडताळणीच्या वेळी सचिन वाईकर यांनी पंचासमक्ष एमएसईबी कार्यालयासमोर, उरण नाका, पनवेल येथे तक्रारदार यांचेकडे १ लाख रुपये लाचेची मागणी करून, तडजोडीअंती ५० हजार रूपये लाचेची रक्कम स्विकारण्याचे मान्य केल्याचे पडताळणी दरम्यान निष्पन्न झाले आहे.

त्यानुसार मारूती कुशन, शिवाजी चौक, जुना पनवेल येथे सापळा आयोजित केला असता, लोकसेवक सचिन वामन वाईकर, पोलीस उप निरीक्षक पनवेल शहर पोलीस ठाणे यांनी मागणी केल्याप्रमाणे लाचेची रक्कम रू.५० हजार रुपये सचिन वाईकर यांनी त्यांच्या व कारमध्ये खाजगी व्यक्ती रविंद्र उर्फ सचिन सुभाष बुट्टे, वय – ३० वर्षे, रा. करंजाडी, सेकट-१, पनवेल, ता. पनवेल, जि. रायगड यांचेमार्फत स्वीकारल्याने सचिन वाईकर व खाजगी इसम रविंद्र बुट्टे यांना रंगेहाथ पकडण्यात आले आहे. आरोपी लोकसेवक यांच्याविरूध्द गुन्हा दाखल करण्याची प्रक्रिया
सुरू आहे.

शिवराज पाटील, पोलीस अधीक्षक, अॅन्टी करप्शन ब्युरो, ठाणे परिक्षेत्र, ठाणे संजय गोविलकर, अपर पोलीस अधीक्षक, अॅन्टी करप्शन ब्युरो, ठाणे परिक्षेत्र, ठाणे ३) सुहास शिंदे, अपर पोलीस अधीक्षक, अॅन्टी करप्शन ब्युरो, ठाणे परिक्षेत्र, ठाणे सरिता भोसले, पोलीस उप अधीक्षक, अॅन्टी करप्शन ब्युरो, रायगड, अलिबाग निशांत धनवडे, पोलीस निरीक्षक, अॅन्टी करप्शन ब्युरो, रायगड, अलिबागयांच्या मार्गदर्शनाखाली सापळा रचण्यात आला.

सापळा पथकामध्ये सरिता भोसले, पोलीस उप अधीक्षक, अॅन्टी करप्शन ब्युरो, रायगड, अलिबाग निशांत धनवडे, पोलीस निरीक्षक, अॅन्टी करप्शन ब्युरो, रायगड-अलिबाग विनोद जाधव, सहा फौजदार, अॅन्टी करप्शन ब्युरो, रायगड-अलिबाग महेश पाटील, पो.ह. / अॅन्टी करप्शन ब्युरो, रायगड-अलिबाग नवदीत नांदगांवकर, पोशि/ अॅन्टी करप्शन ब्युरो, रायगड-अलिबागयांचा समावेश होता.

लाचलूचपत प्रतिबंधक विभागातर्फे नागरीकांना अवाहन करण्यात येते की, भ्रष्टाचारासंबंधी काही माहिती अगर लाच मागणा-या लोकसेवकाबद्दल तक्रार असल्यास लाचलुचपत प्रतिबंधक विभाग यांचेशी संपर्क करावा.असे आवाहन करण्यात आले आहे